- რუსეთი 17:22 საქართველო
- ქართველმა მორაგბეებმა რუსეთის ნაკრები ჯგუფში ჩატოვეს
საქართველოს ეროვნულმა 7-კაცა ნაკრებმა პოლონეთში, ლოძში ევროპის გრან პრის მეორე, დასკვნითი ეტაპზე მე-2 გამარჯვება მოიპოვა. ინგლისთან მოპოვებული გამარჯვების შემდეგ, ბორჯღალოსნებმა რუსეთის ნაკრების დამარცხებაც მოახერხეს. მათ მეტოქეს 5 ქულით, 22:17 სძლიეს და ჯგუფური ეტაპის ბარიერი დაძლიეს.
შეხვედრაში რუსები დაწინაურდნენ, მაგრამ რევაზ ხარაზიშვილმა ანგარიში გაათანაბრა, რის შემდეგაც საქართველომ მეტოქეს კიდევ 2 ლელო დაუდო. თავი ჯერ 20-წლამდელთა ნაკრების ერთ-ერთმა ლიდერმა დემურ თაფლაძემ გამოიჩინა, ხოლო ტაიმის ბოლოს ოთარ ლაშხიც ლელოთი გამოირჩა.
მეორე ტაიმში რუსეთის ნაკრებმა 2 ლელო დადო, მაგრამ ნიკა გიგაურის მიერ გატანილი ლელოთი საქართველომ უპირატესობა შეინარჩუნა და საბოლოოდ, 22:17 მოიგო. საქართველომ რუსეთის ნაკრები ჯგუფში ჩატოვა.
ბორჯღალოსნები 7 ქულით ჯგუფში მეორე ადგილზე გავიდნენ და მხოლოდ გერმანიას ჩამორჩნენ, რომელმაც სამივე თამაშის მოგება მოახერხა.
კომენტარები