მამუკა გორგოძე უტიტულოთა მსოფლიოს ნაკრებში ლომუსთან და სხვებთან ერთად!

ნიკო კვარაციხელი

საუკეთესო 15-ეული, რომელთაც მსოფლიოს თასი არ მოუგიათ
მეორე დონის ქვეყნებიდან მსოფლიოს ნაკრებში მხოლოდ მამუკა გორგოძეა

სარაგბო მსოფლიოს თასის ოფიციალურმა საიტმა იმ მოთამაშეთა საუკეთესო 15-ეული შეადგინა, რომელთაც არასოდეს მოუგიათ მსოფლიოს ჩემპიონის ტიტული. 15 რჩეულს შორის ერთი ქართველია - მე-8 ნომრად ქართული რაგბის ლეგენდა მამუკა გორგოძე მოხვდა.

აღსანიშნავია, რომ გორგოძე ერთადერთი წარმომადგენელია მეორე დონის სარაგბო ქვეყნებიდან. 15-ეულში ისეთი ვარსკვლავები მოხვდნენ, როგორიც ჯონა ლომუ, შეინ უილიამსი, ბრაიან ო'დრისკოლი, აუგუსტინ პიშო და სხვები არიან.

"გვეთანხმებით, რომ ეს საუკეთესო 15-ეულია, რომელსაც მსოფლიოს თასი არ მოუგია? ჩვენს საიტზე თავად შეგიძლიათ თქვენი რჩეული უძლიერესთა 15-ეული აირჩიოთ", - ვკითხულობთ მსოფლიოს თასის ოფიციალურ ტვიტერზე.

საუკეთესო XV, რომელთაც მსოფლიოს თასი არ მოუგიათ