- კობი ბრაიანტმა აშშ-ის საკალათბურთო ნაკრების წარუმატებლობაზე ისაუბრა
- ლეგენდარული კალათბურთელის აზრით, ამერიკელები ყოველთვის ვეღარ მოიგებენ
NBA-ს ლეგენდა კობი ბრაიანტი მიიჩნევს, რომ აშშ-ის ნაკრების ფიასკო კალათბურთის მსოფლიოს ჩემპიონატზე უფრო მეტია, ვიდრე უბრალოდ ტოპ-ვარსკვლავების არყოფნის გამო ჩაგდებული ტურნირი.
“ჩემი აზრით, ‘დრიმ თიმის’ დრო წავიდა. ამერიკის ნაკრებისთვის დიდ ტურნირებზე ადვილი არაფერი იქნება,” - განაცხადა ორგზის ოლიმპიურმა ჩემპიონმა. კობის აზრით, წარსულს ჩაბარდა ის დრო, როცა აშშ-ის ეროვნული გუნდი, ნებისმიერი შემადგენლობით ყველას ადვილად უგებდა.
1992 წელს მაიკლ ჯორდანის, მეჯიქ ჯონსონისა და ლარი ბერდის გარშემო აწყობილმა აშშ-ის ნაკრებმა ბარსელონას ოლმპიურ თამაშებზე იფრინა და სწორედ მაშინ გაჩნდა გამოთქმა Dream Team (ოცნების გუნდი).
📋 მეტი ამ თემაზე:
- ‘ამას ვერ ავიტან!’ - ამერიკის ცენტრი ლებრონს და კარის აკრიტიკებს
- რა დაემართათ ფავორიტებს - სენსაციური ჩემპიონატი ჩინეთში
მსოფლიოს ამ ჩემპიონატზე ამერიკელებს სუპერვარსკვლავები არ ჰყავდათ, გუნდი ჩემპიონობისთვის ბრძოლას მეოთხედფინალში გამოეთიშა (79:89 საფრანგეთთან) და მაქსიმუმ მე-7 ადგილის დაკავებას შეძლებს, რაც ისტორიაში ყველაზე ცუდი შედეგი იქნება.
“დანარჩენი მსოფლიო ახლა კი არა, უკვე დიდი ხანია, დაგვეწია. დადგა დრო, როდესაც ხან მოვიგებთ, ხანაც წავაგებთ,” - დასძინა NBA-ს ხუთგზის ჩემპიონმა.
კომენტარები