- ლევან ქავჟარაძემ ფინალური დაპირისპირება ირანელ მეტოქესთან დათმო
- ბექა მამუკაშვილმა ბრინჯაოს მედლისთვის გამართული ბრძოლა წააგო
საქართველოს ბერძნულ-რომაული სტილით მოჭიდავეთა ახალგაზრდული ნაკრები 23-წლამდელთა მსოფლიოს ჩემპიონატში ასპარეზობას აგრძელებს. ბუდაპეშტში მიმდინარე ტურნირის ფინალში ლევან ქავჟარაძე (63კგ) გავიდა, რომელსაც მეტოქედ ირანელი მეისამ დალხანი ერგო.
სამწუხაროდ, ქართველმა მოჭიდავემ ოქროს მედალი ბოლო წუთზე ხელიდან გაუშვა. ქავჟარაძემ 6:2-ს იგებდა, როდესაც მეტოქემ 4-ქულიანი გდება შეასრულა, რაც ქართველმა მწვრთნელებმა გააპროტესტეს, თუმცა მსაჯებმა ეს გადაწყვეტილება ძალაში დატოვეს და, საბოლოოდ, ქავჟარაძემ ფინალი 6:7 დათმო.
ლევანმა ბერძნულ-რომაული სტილით მოჭიდავეთა შორის 23-წლამდელთა მსოფლიოს ჩემპიონატზე საქართველოს პირველი მედალი მოუტანა.
ბექა მამუკაშვილმა (77კგ) ბრინჯაოს მედლისთვის შეხვედრა ყაზახ ტამერლან შადუკაევთან 0:9 დათმო და უმედლოდ დარჩა.
კომენტარები