- ბარსელონა 5:2 მალიორკა
- ლუის სუარესმა, შესაძლოა, სეზონის საუკეთესო გოლი გაიტანა
ესპანეთის ლა ლიგის მე-17 ტურში ბარსელონამ "კამპ ნოუზე" 5:2 გაანადგურა მალიორკა და რამდენიმე საათით დაკარგული ლიდერობა დაიბრუნა - ბარსას და რეალს 34-34 ქულა აქვთ.
მესიმ ოქროს ბურთი წარადგინა
5-დან 4 გოლი მასპინძლებმა პირველ ტაიმში გაიტანეს, ანტუან გრიზმანმა გახსნა ანგარიში, შემდეგ ლიონელ მესიმ, რომელმაც თავისი მე-6 "ოქროს ბურთი" პუბლიკას შვილების მეშვეობით წარუდგინა, პირველ ტაიმში დუბლი შეასრულა, ხოლო 43-ე წუთზე ლუის სუარესმა არანორმალური სილამაზის გოლი გაიტანა - მალიორკას მეკარეს ბურთი თავზე ქუსლით(!) გადაუგდო.
მეორე ტაიმში კიდევ ერთი ლამაზი გოლი გავიდა, სუარესმა მესის ჰეთ თრიკი შეასრულებინა.
მატჩის ჰაილაითები
საინტერესო ფაქტები
⚽ მარკ-ანდრე ტერ შტეგენმა სეზონში მეორე ასისტი მიითვალა.
⚽ ლიონელ მესი გახდა ლა ლიგის ისტორიაში ყველაზე მეტი ჰეთ თრიკის ავტორი - 35. მან კრიშტიანო რონალდო ჩამოიტოვა.
⚽ ბარსელონამ ევროპის ტოპ 5 ლიგებში ყველაზე მეტი გოლი გაიტანა საჯარიმოს გარედან - 10.
⚽ ლუის სუარესმა ყველა გუნდს გაუტანა, ვისაც კი ლა ლიგაში შეხვედრია.
კომენტარები