- ბელარუსის მთავრობის დადგენილება, საერთაშორისო ღონისძიებებს ზღუდავს
- ფინალი 31 მარტს უნდა გაიმართოს, შეზღუდვა კი 6 აპრილამდე ვრცელდება
- LIVE | სპორტი და კორონავირუსი - ყველა ახალი ამბავი
- ყველაფერი მთავარ თამაშზე
17-ში უეფა იმსჯელებს, რა იქნება 26-31 მარტს - გადაიდება თუ არა ევრო 2020-ის პლეი ოფი (თავად ევრო 2020-ც), თუ უმაყურებლოდ ჩატარდება (ამ რეალობიდან გამომდინარე, ჩვეულებრივად მატჩების ჩატარება, გამორიცხული გვგონია). მანამდე კი კვლავ 26 მარტის ნახევარფინალური მატჩის მოლოდინში ვართ, რომელიც ბელარუსის ნაკრებთან "დინამო არენაზე" უნდა გაიმართოს.
რა ხდება მეტოქის ბანაკში, როგორი ვითარებაა კორონავირუსის მხრივ? დაახლოებით, ჩვენნაირი - 21 შემთხვევა, აქედან 3 ადამიანი უკვე გამოჯანმრთელდა. ბელარუსის ფეხბურთის ფედერაცია აპირებს ეროვნული ჩემპიონატის, რომელიც 19 მარტს იწყება, გარკვეული დროით უმაყურებლოდ ჩატარებას.
12 მარტს ბელარუსის ჯანდაცვის სამინიტრომ ტელეგრამის არხის საშუალებით გამოაცხადა, რომ 6 აპრილამდე ზღუდავს ყველა კულტურულ, სამეცნიერო და სპორტულ ღონისძიებას საერთაშორისო მონაწილეობით ქვეყნის ტერიტორიაზე. რაც შეეხება, შიდა სპორტულ ღონისძიებებს, ამაზე გადაწყვეტილებას მალე გამოიტანენ.
by.tribuna.com: "თუ საქართველოს ნაკრებთან მატჩი დროულად გაიმართება და ბელარუსის ნაკრები მოიგებს, ფინალი 31 მარტს არის დაგეგმილი და ბელარუსი ამ შემთხვევაში, მასპინძელია. ეს თარიღი კი სამინისტროს მიერ დადგენილ ვადებში ხვდება".
კომენტარები