- ქართველმა სუმოისტმა მეტოქე ჰაერში რამდენჯერმა აიტაცა
- 33 წლის ტოჩინოშინს 3 მოგება და 3 მარცხი აქვს
ტოჩინოშინის შიკონათი ცნობილმა 33 წლის ქართველმა სუმოისტმა ლევან გორგაძემ ტოკიოში მიმდინარე შემოდგომის სუპერტურნირის მე-6 დღეს მე-3 გამარჯვება იზეიმა და თანაბარ ბალანსზე გავიდა.
შეგახსენებთ, რომ ტოჩინოშინი ნოემბრის ბაშოს აღმოსავლეთის მე-7 მაეგაშირას წოდებით შეხვდა, დღეს კი, 28 წლის დასავლეთის მე-9 მაეგაშირა კოტოეკოს შეხვდა. ორთაბრძოლა ძალიან დაძაბული გამოდგა. ქართველმა სეკიტორმა 50 კგ-ით მსუბუქი მეტოქე ჰაერში რამდენჯერმე ასწია, კონტრიერიშსაც თავი აარიდა და ბოლოს იაპონელს უვატენაგეთი აჯობა.
ხვალ ტოჩინოშინის მეტოქე დასავლეთის მე-7 მაეგაშირა ენდო იქნება, რომელსაც ქართველი სეკიტორი არაერთხელ შეხვედრია და მინიმალური უპირატესობა აქვს – 7 მოგება, 6 მარცხი.
📺 ტოჩინოშინი V კოტოეკო
კომენტარები