- ტურნირის სიძლიერიდან გამომდინარე, 23 წლის ბორჯღალოსნისთვის, ეს, უდიდესი მიღწევა
- ირლანდიური რაგბის ლეგენდა: ევროპული კლუბების ადგილზე კვესელაძეს დავაკვირდებოდი
- 'ჯონი მეის კონკურენტი ჰყავს' - შესაძლოა, კვესელაძის ლელო 8 ერის საუკეთესო გახდეს
“შემოდგომის ერთა თასის” მე-3 ტურის საუკეთესო მოთამაშე 23 წლის ქართველი მორაგბე გიორგი კვესელაძე გახდა, რაც ტურნირის სიძლიერიდან გამომდინარე, უდიდესი მიღწევაა.
შეჯიბრის ოფიციალურ ვებ-გვერდზე მიმდინარე გამოკითხვაში, კვესელაძის გარდა, საუკეთესოს ტიტულისთვის სემ ანდერჰილი (ინგლისი), ჯონი უილიამსი (უელსი) და ბრის დულინი (საფრანგეთი) იბრძოდნენ. საბოლოო ჯამში, ახალგაზრდა “ბორჯღალოსანმა” ხმების 88.8% მიიღო და კონკურენტებს საგრძნობი უპირატესობით აჯობა.
შეგახსენებთ, რომ დუბლინში გამართულ მატჩში, რომელიც საქართველოს ნაკრებმა ირლანდიასთან 10:23 წააგო, კვესელაძემ შეუცვლელად ითამაშა და “ბორჯღალოსნების” ერთადერთი ლელო მე-17 წუთზე დადო. გასაკვირი არ ყოფილა, რომ ქართველი მორაგბე "შემოდგომის ერთა თასის" ვებ-გვერდზე შედგენილ ტურის სიმბოლურ ნაკრებში მოხვდა, მანამდე კი, კვესელაძე საუკეთესოთა შორის Lovell-rugby.co.uk-მა და Planetrugby-მაც დაასახელეს.
კომენტარები