- კაკტუსი 83:88 ვერა
- თბილისურმა კლუბმა მეოთხედფინალური სერიის პირველი მატჩი მოიგო
საქართველოს საკალათბურთო სუპერლიგაში პლეი ოფის მატჩები დაიწყო. ვერამ სერიის პირველ შეხვედრაში კაკტუსი 88:83 დაამარცხა და მეორე მოგების შემთხვევაში ნახევარფინალის საგზურს მოიპოვებს.
შეხვედრა საკმაოდ დაძაბული გამოვიდა. ვერამ პირველი ტაიმი 42:38 მოიგო, თუმცა მესამე მეოთხედი 5 ქულით დათმო და გადამწყვეტ პერიოდს 1-ქულიანი ჩამორჩენით შეხვდა. აღსანიშნავია, რომ ყველაფერი ბოლო წუთებზე გადაწყდა. დანიელ ვესთბრუქმა 3-ქულიანის ჩაგდება შეძლო და ვერას სოლიდური უპირატესობა მოუტანა. კაკტუსი 29 წამით ადრე 6 ქულას აგებდა, როცა კახა ჟღენტმა 3-ქულიანი ჩააგდო და სხვაობა 3 ქულამდე შეამცირა. ვერამ ბურთი სწრაფად გაათამაშა, საქართველოს ნაკრების კალათბურთელმა გივი ბაქრაძემ ბურთი კარგად გააკონტროლა და ორი ჯარიმის სროლის უფლება მოიპოვა. ბაქრაძემ 2-დან 2 სროლა გამოიყენა და ვერამ თამაში 88:83 მოიგო.
ვერას მხრიდან საუკეთესო შედეგი ლუკა მაზიაშვილს ჰქონდა, მან 24 ქულა დააგროვა. 16 ქულა აარონ პარკსის ანგარიშზე იყო. კაკტუსს ჰაინს ჯონსმა ულიდერა 26 ქულით. სერიის მეორე მატჩი ახალ სპორტის სასახლეში 8 მაისს გაიმართება, შეხვედრა 13:30 საათზე დაიწყება.
კომენტარები