ემოციური კადრები აეროპორტიდან - ოლიმპიური ჩემპიონი ლაშა ბექაური პარასკევს დილით, აეროპორტში ბებიას დახვდა, რომელიც საქართველოში საბერძნეთიდან, ათენი-თბილისის რეისით ჩამოფრინდა.
21 წლის ძიუდოისტს, რომელმაც ტოკიოს თამაშებზე საქართველოს პირველი ოქრო მოუტანა, ნათქვამი ჰქონდა, რომ ჩემპიონობის შემთხვევაში ემიგრაციაში მყოფი ბებიის საქართველოში დაბრუნებას აპირებდა. როგორც იცით, ლაშა ბექაური ოლიმპიური ჩემპიონობისთვის სახელმწიფოსგან მილიონ ლარს მიიღებს.
აეროპორტში გადაღებული კადრები ექსკლუზიურად Europetime-მა გაავრცელა.
ევროპის მოქმედმა ჩემპიონმა ლაშა ბექაურმა ტოკიოს ოლიმპიადაზე 90 კგ-მდე წონით კატეგორიაში 5 ორთაბრძოლის მოგება შეძლო და ოქროს მედალს დაეუფლა. ახალგაზრდა ქართველმა ძიუდოისტმა ფინალში გერმანელ ედუარდ ტრიპელს მოუგო.
კომენტარები