- იტალიისა და არგენტინის ნაკრებთა მატჩი ივნისში გაიმართება
- სხვა დეტალები ჯერჯერობით არ დაზუსტებულა
ფეხბურთის გულშემატკივრებს წინ მაგარი თამაში ელოდებათ - ერთმანეთს ევროპისა და სამხრეთ ამერიკის ჩემპიონები შეხვდებიან!
იტალიისა და არგენტინის ნაკრებები ერთ მატჩს გამართავენ, სიმბოლურად, როგორც ევროპისა და კონმებოლის მოქმედი ჩემპიონები. ამ საკითხზე საუბარი ჯერ კიდევ ზაფხულში იყო და ახლა უეფასა და კონმებოლს შორის ხელშეკრულება საბოლოოდ გაფორმდა. მატჩი ივნისში გაიმართება და ხელს არ შეუშლის საკლუბო კალენდარს. ამდენად, "სკუადრა აძურა" და "ალბისელესტე" უძლიერესი შემადგენლობებით თამაშს მოახერხებენ.
ჯერჯერობით უცნობია მატჩის ჩატარების ზუსტი ადგილი და კონკრეტული თარიღი. ამის შესახებ გადაწყვეტილებას ოდნავ მოგვიანებით მიიღებენ.
შეგახსენებთ, რომ იტალიის ნაკრებმა ევროპის ჩემპიონის ტიტული 53-წლიანი პაუზის შემდეგ მოიპოვა, ხოლო არგენტინამ კოპა ამერიკა 1993 წლის შემდეგ პირველად მოიგო.
კომენტარები