საქართველოს 18-წლამდე მორაგბეთა ნაკრები ევროპის ჩემპიონატის ფინალში ითამაშებს

• საქართველო 37:3 ბელგია
• უმცროს ბორჯღალოსნებს გადამწყვეტი მატჩი 9 ოქტომბერს პორტუგალიასთან ელით

საქართველოს 18-წლამდე მორაგბეთა ნაკრებმა რუსეთის ქალაქ კალინინგრადში მიმდინარე ევროპის ჩემპიონატის ნახევარფინალში ბელგიას 37:3 სძლია და 9 ოქტომბერს, ოქროს მედლების მოსაპოვებლად იბრძოლებს.

საქართველოს ნაკრებმა 6 ლელო დადო, რომლებიც ლუკა სახელაშვილის, ნიკოლოზ ბაბუნაშვილის, დავით ხუროშვილის, გიგი ქურხულისა (2) და ნიკა ლომიძის ანგარიშზეა. 

ფინალში უმცროსი ბორჯღალოსნების მეტოქე პორტუგალია იქნება, რომელმაც მე-2 ნახევარფინალში მეზობელ ესპანეთს მოულოდნელად იოლად – 31:12 მოუგო.