- საქართველოს ნაკრების საინტერესო ფაქტები პორტუგალიასთან ფრის შემდეგ
- საქართველოს ნაკრები მსოფლიო რაგბის რეიტინგში დაქვეითდა
რაგბი ევროპის 2022 წლის ჩემპიონატი საქართველოს ნაკრებმა მოულოდნელი ფრით დაიწყო - შინ პორტუგალიას დაუზავდა - 25:25. ლევან მაისაშვილის გუნდმა ცუდად ითამაშა. მართალია, მარცხს გადაურჩა, მაგრამ ტურნირზე 20-მატჩიანი მოგებათა სერია დაასრულა და რეიტინგშიც ერთი ადგილი დაკარგა.
საინტერესო ფაქტები
🏉 საქართველოს ნაკრებს ორმატჩიანი ფრეების სერია აქვს, რაც საკმაოდ იშვიათია რაგბიში.
🏉 ნაკრებს 4-მატჩიანი მოუგებელი სერია აქვს (2 ფრე, 2 წაგება)
🏉 ბოლოს მაისაშვილის გუნდმა 2021 წლის ივნისში მოიგო (ნიდერლანდებთან), მას მერე 225 დღე გავიდა.
🏉 ამ მოუგებელ სერიამდე, "ბორჯღალოსნებს" 6-მატჩიანი მოგებათა სერია ჰქონდათ, მანამდე კი - 5-მატჩიანი წაგებათა სერია.
🏉 საქართველოს ნაკრებმა რაგბი ევროპის ჩემპიონატზე 20-მატჩიანი გამარჯვებათა სერია შეწყვიტა.
🏉 ბოლოს ნაკრებმა ამ ტურნირზე ვერ მოიგო 2017 წლის მარტში, როცა რუმინეთთან სტუმრად 7:8 დამარცხდა.
🏉 მანამდე ნაკრებს ამ ტურნირზე 17-მატჩიანი მოგებათა სერია ჰქონდა.
🏉 რაგბი ევროპის ჩემპიონატზე საქართველოს ნაკრებმა შინ თამაში ბოლოს 2009 წელს ვერ მოიგო (ფრე პორტუგალიასთან), მაშინ ტურნირს ჯერ კიდევ ერთა თასი ერქვა, ხოლო მას მერე თითქმის 13 წელიწადი - 4 740 (!) დღე გავიდა.
🏉 საქართველოს ნაკრები პორტუგალიას 23-ჯერ ეთამაშა და მასთან ზედიზედ 9-მატჩიანი მოგებათა სერია შეუწყდა. სულ 16 მოგება, 3 ფრე, 4 წაგება.
🏉 სამი ფრე "ბორჯღალოსნებმა" მხოლოდ პორტუგალიასთან დაასრულეს. 2-ჯერ კი ფიჯის დაუზავდნენ.
🏉 პორტუგალიას ნაკრები 23-ჯერ ეთამაშა, მეტჯერ მხოლოდ რუსეთსა და რუმინეთს დაუპირისპირდა (25-25).
კომენტარები