Thumbnail

ჟენევის ტურნირზე ბასილაშვილის მომდევნო მეტოქის ვინაობა ცნობილია

დათო მანჯავიძე პროფილის ფოტო
დათო მანჯავიძე

შვეიცარიის ქალაქ ჟენევაში მიმდინარე საერთაშორისო ტურნირის (საპრიზო ფონდი 597 900 ევრო) მერვედფინალში ნიკოლოზ ბასილაშვილის მეტოქე გაირკვა.

მე-2 რაუნდში ქართველ ჩოგბურთელს თამაში პორტუგალიელ ჟოაო სოუზასთან მოუწევს, რომელმაც სასტარტო შეხვედრაში ესპანელ პაბლო ანდუხარს 6:1, 6:4 სძლია.

შეგახსენებთ, რომ თავის მხრივ ნიკოლოზმა ფაკუნდო ბანისის ბარიერი დასძლია. საქართველოს პირველი ჩოგანი არგენტინელს 6:4-ს უგებდა, როდესაც მეტოქემ თამაშის გაგრძელება ვეღარ მოახერხა.

ბასილაშვილს 33 წლის სოუზასთან ერთხელ უკვე უთამაშია და ის მატჩი წაგებული აქვს. 2018 წელს მაროკოს ქალაქ მარაკეშში გამართულ ტურნირზე ჟოაომ 6:2, 4:6, 6:1 იმარჯვა.

ცნობილია ისიც, რომ სოუზასთან გამარჯვების შემთხვევაში, ქართველი ჩოგბურთელი ძალებს კანადელი დენის შაპოვალოვისა და ბელარუს ილია ივაშკას წყვილში უმჯობესთან მოსინჯავს.

კომენტარები

ბოლო ამბები