Thumbnail

'გამარჯვებულის პოზა' - უსაინ ბოლტი თავის ცნობილ აღნიშვნას ლოგოდ არეგისტრირებს

ნიკო კვარაციხელი პროფილის ფოტო
ნიკო კვარაციხელი

მძლეოსნობის ისტორიაში ყველაზე სწრაფმა ადამიანმა უსაინ ბოლტმა ცნობილი "გამარჯვებულის პოზის" სასაქონლო ნიშნის ლოგოდ დარეგისტრირება გადაწყვიტა. იამაიკელი სპრინტერის განაცხადში ლოგო ასეა აღწერილი: "მამაკაცის სილუეტი დამახასიათებელი პოზით - ერთი ხელი მოხრილია და მიმართულია თავისკენ, მეორე გაშლილი, თითი ზემოთ მიუთითებს". დოკუმენტის თანახმად, ამ ლოგოტიპს სხვადასხვა საგნებზე გამოიყენებენ - ტანსაცმელზე, ფეხსაცმელზე, სამკაულებზე, ასევე რესტორნებსა და სპორტულ ბარებში.

უსაინ ბოლტის ლოგო

ზუსტად ამ პოზაში აღნიშნავდა ლეგენდარული მძლეოსანი ყველა გამარჯვებას. ის 8-ჯერ გახდა ოლიმპიური ჩემპიონი და 11-ჯერ მსოფლიოს ჩემპიონი. ბოლტი 12 წლის წინათაც ცდილობდა ანალოგიური ლოგოტიპის დარეგისტრირებას. შეგახსენებთ, რომ 100 და 200 მეტრზე რბენაში ბოლტის რეკორდები ახლაც ხელუხლებელია.   

კომენტარები

ბოლო ამბები