- უეფამ წლის რჩეული ფეხბურთელები და მწვრთნელები დაასახელა
- წლის საუკეთესო მამაკაცი ფეხბურთელი ქარიმ ბენზემა გახდა
- ლივერპული და აიაქსი კვარაცხელიას - ჩემპიონთა ლიგის ჯგუფები
- მოუსმინე: სტატიის აუდიო ვერსია
სტამბოლში, უეფას ჩემპიონთა ლიგის ჯგუფური ეტაპის წილისყრასთან ერთად სეზონის საუკეთესო ფეხბურთელების და მწვრთნელების დაჯილდოება გაიმართა.
წლის საუკეთესო მამაკაცი ფეხბურთელის წოდებისთვის ბრძოლაში ბოლო შორტლისტში 3 ფეხბურთელი გახლდათ: ქარიმ ბენზემა (რეალი, საფრანგეთი), კევინ დე ბრუინი (მანჩესტერ სიტი, ბელგია) და ტიბო კურტუა (რეალი, ბელგია). აღსანიშნავია, რომ ჯილდოს 11-წლიან ისტორიაში პირველად მოხდა ისე, რომ საბოლოო 3-კაციან სიაში ორი ერთი და იმავე ქვეყნის წარმომადგენელი მოთამაშე მოხვდა. სამეულიდან უეფამ საუკეთესოდ ქარიმ ბენზემა დაასახელა.
უეფას წლის რჩეულები
საუკეთესო მამაკაცი ფეხბურთელი: ქარიმ ბენზემა (რეალი)
საუკეთესო ქალი ფეხბურთელი: ალექსია პუტელიასი (ბარსელონა)
საუკეთესო მამაკაცი მწვრთნელი: კარლო ანჩელოტი (რეალი)
საუკეთესო ქალი მწვრთნელი: საგინა ვიგმანი
შეგახსენებთებთ, რომ უეფას წლის საუკეთესო ფეხბურთელის ჯილდო ყველაზე მეტჯერ ტურინის იუვენტუსისა და პორტუგალიის ნაკრების სუპერვარსკვლავ კრიშტიანო რონალდოს აქვს მოგებული (3-ჯერ), შარშან კი გამარჯვება ჩელსის ნახევარმცველმა ჟორჟინიომ მოიპოვა.
უეფას წლის ფეხბურთელი (ყველა გამარჯვებული)
2011 - ლიონელ მესი (ბარსელონა)
2012 - ანდრეს ინიესტა (ბარსელონა)
2013 - ფრანკ რიბერი (ბაიერნი)
2014 - კრიშტიანო რონალდო (რეალი)
2015 - ლიონელ მესი (ბარსელონა)
2016 - კრიშტიანო რონალდო (რეალი)
2017 - კრიშტიანო რონალდო (რეალი)
2018 - ლუკა მოდრიჩი (რეალი)
2019 - ვირჯილ ვან დაიკი (ლივერპული)
2020 - რობერტ ლევანდოვსკი (ბაიერნი)
2021 - ჟორჟინიო (ჩელსი)
კომენტარები