პარაფარიკაობა | ხეცურიანმა მსოფლიო თასი მოიგო, თიბილაშვილმა ბრინჯაო მოიპოვა

• საქართველოს ნაკრებმა მსოფლიო თასზე წარმატებული სტარტი აიღო
• ირმა ხეცურიანმა ფინალში იტალიელი მეტოქე 15:9 დაამარცხა

საქართველოს ეტლით მოფარიკავე ქალთა ნაკრებმა წარმატებით დაიწყო ასპარეზობა იტალიის ქალაქ პიზაში დაწყებულ 2022 წლის მსოფლიო თასის გათამაშებაზე: ირმა ხეცურიანმა ოქროს მედალი მოიპოვა, ნინა თიბილაშვილმა კი ბრინჯაო დაისაკუთრა.

ხეცურიანმა ხმლით ფარიკაობაში შეჯიბრის ნახევარფინალში სამხრეთკორეელი პარასპორტსმენ ჩოოს 15:14 სძლია, ფინალში კი იტალიელ პასკუინოს 15:9 მოუგო და კვარცხლბეკის უმაღლეს საფეხურზე ავიდა.

მესამე ადგილისთვის ორთაბრძოლაში პოლონელ ფრიდრიხს გაეჯიბრა და 15:14 იმარჯვა თიბილაშვილმა, რომელმაც როგორც აღვნიშნეთ, ბრინჯაოს მედალი მოიპოვა.

ხვალ, 23 სექტემბერს, საქართველოს ეტლით მოფარიკავეთა ნაკრების წევრები ძალებს რაპირით ასპარეზობაში სცდიან და საქმეში ირმა ხეცურიანს, ნინა თიბილაშვილს და გვანცა ზადიშვილის ვიხილავთ.