ტოტენჰემი და აინტრახტი პლეი ოფში არიან - მარსელი ჩარჩა

ნიკო კვარაციხელი

ჩემპიონთა ლიგაზე ჯგუფური ეტაპი C და D ჯგუფებში დასრულდა
ნაპოლის დაუმარცხებელი სერია შეწყდა, თუმცა ჯგუფში მაინც პირველია

C ჯგუფში, რომელიც თავიდანვე "სიკვდილის ჯგუფად" შერაცხეს, ყველაფერი გადაწყვეტილი იყო. ამიტომ გრანდებმა თავს როტაციის უფლება მისცეს. ბაიერნს პირველი ადგილი გარანტირებული ჰქონდა, ინტერს - მეორე, "ალიანც არენაზე" მათი დაპირისპირება ბაიერნმა მშვიდად მოიგო, მილანურ კლუბს თითო ტაიმში თითო გოლი გაუტანა - 2:0.

ჩეხეთში გადახალისებული ბარსელონა ჩავიდა, რომელსაც მე-3 ადგილი და ევროპალიგა გარანტირებული ჰქონდა. რობერტ ლევანდოვსკიმ დაისვენა, ფერან ტორესმა კი დუბლი შეასრულა. აღსანიშნავია 19 წლის პაბლო ტორეს გოლიც - 4:2 ბარსას სასარგებლოდ.

ნამდვილი ინტრიგა მხოლოდ D ჯგუფში იყო შერჩენილი, სადაც აბსოლუტურად არაფერი იყო გადაწყვეტილი. მარსელმა ტოტენჰემს უმასპინძლა, ფრანგული ქალაქის ქუჩებში არეულობა თამაშამდე დაიწყო, "ველოდრომზე" მარსელი დაწინაურდა, თუმცა 54-ე წუთზე კლემან ლონგლემ გაათანაბრა, ბოლო წამებზე კი ჰოიბერგმა სულაც გამარჯვება მოუტანა ლონდონურ კლუბს.

ლისაბონში სპორტინგმა ფრანკფურტის აინტრახტს უმასპინძლა, გერმანულმა კლუბმა თამაშის შემოტრიალება შეძლო - 2:1, რითაც მეორე ადგილით გავიდა პლეი ოფში, ხოლო სპორტინგი ევროპალიგაზე გადაამისამართა.

C ჯგუფი

ბაიერნი 2:0 ინტერი

გოლები: 1:0 პავარი (32. კიმიხის პასით), 2:0 ჩუპო-მოტინგი (72. დევისის პასით)

პლზენი 2:4 ბარსელონა

გოლები: 0:1 ალონსო (6. ფატის პასით), 0:2 ფერან ტორესი (44. ალბას პასით), 1:2 ხორი (51-პენ), 1:3 ფერან ტორესი (54. რაფინიას პასით), 2:3 ხორი (63. ვლკანოვას პასით), 2:4 ტორე (75. რაფინიას პასით)

1. ბაიერნი (18), 2. ინტერი (10), 3. ბარსელონა (7), 4. პლზენი (0).