- ჩვენს YouTube-ზე "გასვლითი შეხვედრის" მე-3 ეპიზოდის პრემიერა შედგა
- ამჯერად გრაცში ჩავედით, სადაც ოთარ კიტეიშვილს შევხვდით
- როგორ ცხოვრობენ და როგორი საზოგადოების წევრები არიან - სერიები ქართველ სპორტსმენებზე
ევროპოპი სტუმრად ქართველ სპორტსმენებთან - ჩვენს YouTube არხზე განსაკუთრებული პროექტის მესამე ეპიზოდი გამოქვეყნდა.
"გასვლითი შეხვედრა" - ასე ჰქვია სერიებს, რომლის ფარგლებშიც ქართველ სპორტსმენებს იმ ქალაქებში ვსტუმრობთ, სადაც ცხოვრობენ და მუშაობენ. გადაცემის წამყვანი, მარკეტერი და პრომოუტერი ლევან ღვინიანიძეა, რომელსაც ქართულ სპორტში მნიშვნელოვან პროექტებსა თუ პოზიციებზე მუშაობის დიდი გამოცდილება აქვს.
პირველი სერიის სტუმარი საქართველოს ნაკრების ფეხბურთელი დათი ხოჭოლავა იყო, რომელსაც სექტემბერში კოპენჰაგენში ვესტუმრეთ. მეორე ეპიზოდის გადასაღებად ლიონში ჩავედით, სადაც ტოპ 14-ში მოთამაშე ადგილობრივი გუნდისა და საქართველოს მორაგბეთა ნაკრების წევრებს, დავით ნინიაშვილს და ბექა საღინაძეს შევხვდით.
ახლა კი მესამე სერია გამოვაქვეყნეთ, რომლის სტუმარი გრაცის შტურმის და საქართველოს ნაკრების ერთ-ერთი ლიდერი ოთარ კიტეიშვილია. 26 წლის ნახევარმცველს ავსტრიაში ვესტუმრეთ - ეს ვიდეო მას ახლოს გაგაცნობთ. ნახეთ და გაგვიზიარეთ თქვენი შთაბეჭდილებები.
კომენტარები