- ბარსელონა 1:0 ხეტაფე
- კატალონიელები ჩემპიონატის ლიდერობას ინარჩუნებენ
კატალონიის ბარსელონამ ლა ლიგის მე-18 ტურში ხეტაფეს უმასპინძლა და მეტოქეს 1:0 მოუგო. ჩავის გუნდმა მორიგი მნიშვნელოვანი 3 ქულა მოიპოვა და ცხრილში პირველ ადგილს ინარჩუნებს.
ესპანეთის სუპერთასის ფინალის მოგების შემდეგ, ბარსელონა ხეტაფესთან მატჩს გადაღლილი შეხვდა, თუმცა გამარჯვება მაინც მოახერხა. რაფინიას გადაცემით პედრიმ მატჩის ერთადერთი გოლი გაიტანა და ბარსელონას 3 ქულა მოუტანა.
ჩავის გუნდს 44 ქულა დაუგროვდა და რეალს 6 ქულით უსწრებს, თუმცა მადრიდელებს ერთი მატჩით ნაკლები აქვთ ჩატარებული. კატალონიელები 26 იანვარს თასზე სოსიედადს უმასპინძლებენ, ხოლო 29 იანვარს პირველ წრეს მონტილივიზე ჟირონასთან თამაშით დაასრულებენ.
ბარსელონა 1:0 ხეტაფე
გოლი: პედრი (35)
ბარსელონა (4-3-3): ტერ შტეგენი - რობერტო (ალონსო 77), კუნდე, კრისტენსენი (გარსია 46), ბალდე (ალბა 46) - გავი, ბუსკეტსი, პედრი - დემბელე, ფატი, რაფინია (კესიე 62)
კომენტარები