- რიბაკინა 7:6 (7:4), 6:3 აზარენკა
- ყაზახეთის სახელით მოთამაშე რუსი ჩოგბურთელი მე-2 ტიტულისთვის იბრძოლებს
- AUS OPEN | საბალენკა დიდი სლემის ტურნირის ფინალში კარიერაში პირველად ითამაშებს
- მოუსმინე: სტატიის აუდიო ვერსია
უიმბლდონის მოქმედი ჩემპიონი ელენა რიბაკინა ავსტრალიის ღია პირველობის ფინალში გავიდა და კარიერაში მე-2 სლემ-ტურნირის მოსაგებად იბრძოლებს.
მოსკოვში დაბადებული, თუმცა, 2018 წლიდან ყაზახეთის სახელით მოთამაშე 23 წლის ჩოგბურთელი ნახევარფინალში ბელარუს ვიქტორია აზარენკას გადაეყარა და 7:6 (7:4), 6:3 სძლია.
ანგარიშიდანაც სჩანს, რომ უფრო მეტი ბრძოლა პირველ სეტში იყო, რომლის მიმდინარეობის დროსაც მეტოქეებმა ორ-ორი ბრეიკი მიითვალეს და ყველაფერი ტაი-ბრეიკზე გადაწყდა, მეორეში კი, რიბაკინას უპირატესობა აშკარა იყო.
თამაში საათსა და 43 წუთს გაგრძელდა და ელენამ 9 ეისისა და 3 ორმაგი შეცდომის ფონზე, 11-დან 5 ბრეიკ-პოინტი გამოიყენა, პირველ მოწოდებაზე ბურთების 76% მოიგო და აზარენკაზე უკეთესი მაჩვენებლები ჰქონდა, როგორც - ვინერსების (30:26), ასევე უნებლიე შეცდომების (21:27) მხრივ.
აღსანიშნავია, რომ ელენა მელბურნულ კორტებზე მხოლოდ მეოთხედ გამოჩნდა და მე-3 რაუნდის მიღმა არასდროს გასულიყო, ამჯერად კი, უკვე მე-6 თამაში მოიგო და მომავალ შაბათს ტიტულისთვის იბრძოლებს.
აღსანიშნავია, რომ რიბაკინას აღნიშნულ ექვს მატჩში 3 სეტის ჩატარება მხოლოდ ერთ შემთხვევაში, ამერიკელ დანიელ კოლინსთან დასჭირდა, იტალიელ კოჩიარეტოს, სლოვენიელ იუვანს, მსოფლიოს პირველ ნომერ პოლონელ შვიონტეკს, ლატვიელ ოსტაპენკოსა და ახლა, უკვე აზარენკასაც დამაჯერებლად აჯობა.
დღესვე გაირკვევა ქალთა ბადის მე-2 ფინალისტის ვინაობაც: კიდევ ერთი ბელარუსი არინა საბალენკა პოლონელ მაგდა ლინეტს გაეჯიბრება.
კომენტარები