- ჯერომ ბოატენგი ბაიერნთან კონტრაქტის გაფორმებასთან ახლოსაა
- 35 წლის მცველმა ბოლო ორი სეზონი ფრანგულ ლიონში გაატარა
35 წლის ჯერომ ბოატენგი მიუნხენის ბაიერნში ბრუნდება - აღნიშნულ ინფორმაციას Sky Sport Deutschland ავრცელებს და წერს, რომ ფეხბურთელმა კლუბში სამედიცინო შემოწმების ნაწილი უკვე გაიარა.
ბავარიელებს მცველის დამატება სურდათ, ვეტერან მცველს - ახალი კლუბი, ამიტომ შეთანხმების მიღწევა რთული არ ყოფილა. გერმანიის ნაკრების ყოფილი ფეხბურთელი ბაიერნთან კონტრაქტს უახლოეს ორ დღეში გააფორმებს.
ჯერ-ჯერობით, უცნობია, თუ რა ვადით დარჩება ბოატენგი "რეკორდმაისტერის" რიგებში - იანვრამდე თუ სეზონის ბოლომდე. ჯერომმა ზაფხულში მონაწილეობა ბაიერნის ლეგენდების მატჩში მიიღო, დღეს, კი ტომას ტუხელის გუნდის ვარჯიშზე მივა.
ფეხბურთელი ყველაზე ტიტულიანი გერმანული კლუბის რიგებში 2011-2021 წლებში თამაშობდა და გუნდთან ერთად 25 ტიტული მოიგო. ამის შემდეგ, 2 სეზონი ფრანგულ ლიონში გაატარა და მიმდინარე წლის ივნისიდან თავისუფალი აგენტის სტატუსი ჰქონდა. ჯერომ ბოატენგს გერმანიის ნაკრებში 76 მატჩი აქვს ჩატარებული.
კომენტარები