- იტალიის ნაკრები ევრო 2024-ზე ითამაშებს
- საგზური ჩეხეთმა და სლოვენიამაც მოიპოვეს
- ევრო 2024-ის პლეი ოფი | ნახევარფინალში საქართველოს მეტოქე ცნობილია
ევროპის ჩემპიონატის საკვალიფიკაციო ეტაპი კიდევ სამ ჯგუფში დასრულდა და ტურნირის ფინალური ეტაპის კიდევ სამი მონაწილე გაირკვა: იტალია, ჩეხეთი და სლოვენია.
ყურადღების ცენტრში იყო მატჩი ლევერკუზენში, სადაც უკრაინის ნაკრები იტალიას "მასპინძლობდა". იტალიას ამ თამაშში ქულის აღებაც აძლევდა ხელს. უკრაინელებმა მეტოქეს ვერაფერი მოუხერხეს და 0:0 დაუზავდნენ. იტალია ევროპის ჩემპიონატზეა.
ლუბლიანაში ყაზახეთის ნაკრებმა ბოლომდე იბრძოლა, თუმცა 86-ე წუთზე ბენიამინ ვერბიჩის გოლმა სლოვენია დააწყნარა და ევრო 2024-ზე გაიყვანა.
E ჯგუფში ყველაფერი ჩეხების ხელში იყო და სლავებმა საქმე ბოლომდე მშვიდად მიიყვანეს, მით უფრო მას მერე, რაც 55-ე წუთზე მოლდოვა 10 კაცით დარჩა.
მაშ ასე, ევრო 2024-ზე თამაშის უფლება მოიპოვეს: გერმანია (როგორც მასპინძელი), ბელგია, საფრანგეთი, პორტუგალია, შოტლანდია, ესპანეთი, თურქეთი, ავსტრია, ინგლისი, უნგრეთი, სლოვაკეთი, ალბანეთი, დანია, ნიდერლანდები, რუმინეთი, შვეიცარია, სერბეთი, იტალია, ჩეხეთი, სლოვენია.
21 ნოემბერს კიდევ 1 საგზურის ბედი წყდება, D ჯგუფში ხორვატია ფავორიტია. ზაგრებში ამ გუნდს სომხეთის დამარცხება ევროპის ჩემპიონატის საგზურს მოუტანს.
C ჯგუფი
უკრაინა 0:0 იტალია
უკრაინა (4-1-4-1): ტრუბინი - კონოპლია (86. ტიმჩიკი), სვატოკი (91. მალინოვსკი), ზაბარნი, მიკოლენკო - სტეპანენკო (80. პიხალიონოკი) - ციგანკოვი (80. ზუბკოვი), სუდაკოვი, ზინჩენკო (86. სიკანი), მუდრიკი - დოვბიკი
იტალია (4-3-3): დონარუმა - დი ლორენცო, აჩერბი, ბონჯორნო, დიმარკო - ფრატეზი, ჟორჟინიო (71. კრისტანტე), ბარელა - ძანიოლო (71. პოლიტანო (91. დარმიანი)), რასპადორი (46. სკამაკა), კიეზა (81. კინი)
ჩრდილოეთ მაკედონია 1:1 ინგლისი
გოლები: 1:0 ბარდი (41), 1:1 კეინი (59)
ინგლისი (4-2-3-1): პიკფორდი - უოკერი, მაგუაირი, გუეი, ლუისი - ალექსანდერ-არნოლდი (84. ფილიპსი), რაისი - საკა (84. პალმერი), ფოდენი, გრილიში (84. რაშფორდი) - უოტკინსი (58. კეინი)
E ჯგუფი
ალბანეთი 0:0 ფარერები
ჩეხეთი 3:0 მოლდოვა
გოლები: 1:0 დოუდერა (14), 2:0 ხორი (72), 3:0 სოუჩეკი (90)
H ჯგუფი
ჩრდილოეთ ირლანდია 2:0 დანია
გოლები: 1:0 პრაისი (60), 2:0 ჩარლზი (81)
სან მარინო 1:2 ფინეთი
გოლები: 0:1 სოირი (50), 0:2 სოირი (58), 1:2 ბერარდი (98-პენალტი)
სლოვენია 2:1 ყაზახეთი
გოლები: 1:0 შეშკო (41-პენალტი), 1:1 ორაზოვი (48), 2:1 ვერბიჩი (86)
კომენტარები